Giovanni Cerutti/Canson/Salut ëd l’Associassion Coltural “Piemont dev vive”
Salut ëd l’Associassion Coltural “Piemont dev vive”
modifichéIv porto ‘l salut ëd l’Associassion Coltural “Piemont dev vive”.
St’agn si i l’oma avù l’onor d’organisé la 45° Festa dël Piemont con ël Patrossini dla Comun-a’d Coni che i rigrassioma ’nt la persona dël sor Sindich dott. Federico Borgna, con j’Assessor Alessandro Spedale e Gabriella Roseo, për la fiusa ch’a l’ha dane.
An costi festegiament, l’amis Giovanni Cerutti a l’ha vorsù che cost sò ùltim travaj a fuissa inserì ant la Festa dël Piemont. D’àutra part, un gròss e important travaj come col fàit dal prof. Cerutti a jë speta con pien dirit dë vnì gropà a costa Festa. E noi ‘d “Piemont dev vive” andoma orgojos ëd podèj vëdde nòst lògo afiancà al nòm d’un arsercador e studios ëd la Cultura piemontèisa che a l’é Barba Gioanin ël canta stòrie, che s’onoroma d’avèjlo nòst sòcio. Ma a l’é Coni e 'l Piemont ch’a deuv ringrassiete për tò travaj, specialment an costi moment che la nosta coltura, considerà nen mach ëd “serie B.”, as sërca’d quatela con un vel d’oblìo, come dì a venta butela an naftalin-a, ma fin che persone coma l’amis Cerutti a continuo andé a sgatajé ’nt j’archivi e ant la memòria’d coj ùltim piemontèis “dòch”, costa sodisfassion a certi ambient ai la daroma nen, ma venta che tuti coj ch’as sento orgojos d’esse piemontèis l’abio veuja ’d pijé esempi daj goregn “bogia nen” ëd l’Assiëtta e noi ëd Coni i duvrìo pa tribulé a pijé l’esempi, as basta arcordé Coni dij eut assedi e i n’avrìo pro! Mersì ’d cheur a tuti coj che, coma l’amis Cerutti, a travajo për nòst Piemont!
Ël President, Driano Caval (Adriano Cavallo)