Giovanni Cerutti/Canson/Natal

NATAL

Parole e musica di Masino Anghilante.

Questa bella poesia di Masino è una riflessione, sempre attuale, sulla festa di Natale, che a volte rischia di snaturarsi in una frenetica corsa al consumismo, dimenticando i poveri e i grandi valori che ci ha portato Gesù Bambino: la pace, l’amore e l’onestà, che sono quelli che possono salvare l’umanità.

Camino për na strà 'd periferìa, la neuit l’é freida e i ven giù tanta fiòca,
da n’òsto am riva 'l son ëd na ghitara, l’é 'l vintequat dzèmber, vigilia dël Natal.
Davanti a na giojera piena 'd luce, i è 'n cit ch’a varda tante còse bele,
l’è mal vestì, tramola da la frèid, mi am fermo, chiel am varda e am dis parèj:

(Rit.) “Mi son Gesù Bambin dël cel, von via sercand ij pòver coma mi,
veuj fé content ij cit ch’a l’han mai gnente, pòrto paròle ormai già desmentià:
la pas, l’amor e tanta onestà, mach lòn a salverà l’umanità;
veuj dije a tuti 'd cheur: fé 'n Natal bel; mi son Gesù Bambin dël Cel”.

Finì 'd canté, col cit l’é mach pì n’ombra, che 'l frèid, la neuit, la fiòca am pòrto via,
ritorno 'n vers mia ca, 'n periferìa, l’é 'l vintequat dzèmber, vigilia dël Natal;

ormai d’antorn a mi l’é tut silensio, von ripensand ancora a cola sen-a,
davanti an pilonet am ven la veuja 'd ripeti col motiv pen-a sentù: (Rit.)