Giovanni Cerutti/Canson/Bon-a sèira, Giaco Tross

BON-A SÈIRA, GIACO TROSS

Questa filastrocca di “Giacomo Torsolo” può servire ai bambini (e a noi!) per imparare molte parole piemontesi di uso comune: nocciole, noci, suoceri, nuore, terra, denari, pace, guerra, bocca, naso, fuso, rocca, finestra, uscio, pezzo di pane, minestra, gatta, cane, giovanotto, ragazza, terra, mattoni, mercato, fiera, prete, frate e vino!

Bon-a sèira Giaco Tross, Giaco Tross, le ninsòle son pa nos,
e le nos son pa ninsòle, e ij mëssé, e ij mëssé, e ij mëssé son pa le nòre.

E le nòre son pa ij mëssé, son pa ij mëssé, e la tèra l’é pa ij dané,
e ij dané son pa la tèra, e la pas, e la pas, e la pas l’é pa la guèra.

E la guèra l’é pa la pas, l’é pa la pas, e la boca l’é pa ël nas,
e ël nas l’é nen la boca, e lo fus, e lo fus. e lo fus l’é pa la roca.

E la roca l’é pa ël fus, l’é pa ël fus, e la fnestra l’é pa l’uss,
e l’uss l’é pa la fnestra, e 'n tòch ëd pan,
e 'n tòch ëd pan, 'n tòch ëd pan l’é pa la mnestra.

E la mnestra l’é pa 'n tòch ëd pan, l’é pa 'n tòch ëd pan, e la gata l’é pa 'l can,
e 'l can l’é nen la gata, e 'l maton, e 'l maton, e 'l maton l’é nen la mata.

E la mata l’é pa 'l maton, l’é pa 'l maton, e la tèra l’é pa ij mon,
e ij mon son pa la tèra, e 'l mërcà, e 'l mërcà, e 'l mërcà l’é pa la fera.

E la fera l’é pa 'l mërcà, l’é pa 'l mërcà, e lo prèivi a l’é pa 'l fra,
e lo fra a l’é nen lo prèivi, e lo vin, e lo vin, e lo vin l’é bon da bèivi!