Giovanna Giuglard Richetto/Sensassion

Sensassion

Na còsa dròla a l'é s-cionfame 'ndrinta:
nẽ sguard pì càud e na strenzùa 'd man
a l'ha cissà na giòla ch'a tormenta
sto cheur già vej, ma 'ncor baravantan.

N'acòrd ẽd nòte, tàcita armonìa,
bimblan-a giovo a fior dij sò ujon
arsàuta doss e l'ànima 'm gatija
parèj dẽl prim achit ẽd na passion.

Amor sarà?... Paròla santa e cara
già scrita jer pẽr tuta eternità...
Caprissi? Nò! L'istint a jẽ spatara
ma tròp pressiosa a l'é la fedeltà.

Ai mè sospir, sorela poiesìa,
mineuja faja, j'ale an libertà
fẽrmiola, peui s'anchieta e quasi am crija:
- T'argale 'd seugn... ma serca la vrità!...

....

Vers l'alba la vrità, mia pẽrzonera,
combin gravà 'nt ẽl creus faità dle man,
a l'é arbatùa ciàira 'n la specera
sogeta al calm rusij dẽl còrp uman.

Un cit regret arbeuj ant la cossiensa,
s'arlasso ij brass turnì dla tentassion...
ẽl cheur balòss as vanta ìd n'esperiensa
...e 'l temp... pì savi a pasia n'ilusion...