Gianfranco Baron/Le pagine dël cheur
Le pagine dël cheur modifiché
Le pagine dël cheur a nasso bianche
e Ti... tuti ij di, a venta ch'it jë colore
it peule 'dcò lassèie veuide e stanche
coma 'n cole giornà grise ch'it piore.
E propi adess ch'as fà pi sutil l'avnì
më smìa ch'as senta 'd pì col bzògn
ëd vernis forte ch'a spariran mai pi
e le làgrime a j'euj at saran ën seugh.
Ma 'l cheur ch'a l'é pien ëd sentiment
ëdcò da vej at resta pien ëd poesia
e quand at passa'n moment dë spavent
a veul pa perde la speransa e l'alegria.
Cole pagine bianche da scrive e coloré
e ij'ani ch' at passo e van...at fan pensé.