Gianfranco Baron/Fermè 'l temp

Fermè 'l temp

A më smìa che tuti a l' han dij seugn,
ëd podèj fermè 'l temp en momentin,
ëdcò mi, con la gioventù già leugn
am piasria slonghè le gòj dla matin.

Pa për deurme 'n pòch ëd pi a fond,
com' anlora quand ëd rivave da balè,
ma Mi, còs veule am pias sté al mond
e dla natura 'n tël silensi contemplè.

Lo sai 'd cò mi ch'a smia na roba veja
e it lo apresse quand it las na certa età
la matin prèst mentre 'l sol a fà baboja
e tuti ij bordej a son bagnà da la rosà.

“Fermè 'l temp”quandi ch'i stago 'ncor bin
magari mentre ch'im bagno salada e ravanin.