Gianfranco Baron/A-i è ‘n temp
A-i è ‘n temp
modifichéA diso che a-i é n temp për sëmné
e un sugnà, ch’a ven ëd neuit
n’àutr che, con veuja bzògna speté
ch’as ampinissa tò cheur veuid.
A-i é 'n temp ch’a l’han rubate
col ch’a a l’é stàit prest passà
quand j’ere cit, ël temp ëd le buate
un pò pì alègher, un pò piurà.
Ël di ch’a l’é svanì n tòch ëd vita
coma perde ‘n anel ant ël pra
at resta ‘n seugn che a t' envita
ëd serché, për cambié, cola stra.
A-i é ‘n temp belissim tant sudà
stagion bondosa ëd sentiment
ël vëdde la chërsùa dle masnà
ij proget ch’it l’avìe ‘nt la ment.
J’é n temp ch’a pieuv an testa la gent
ch’a scapa ‘nrabià, ch’a l’ha paùra
a sercha 'n ripar sensa ‘n lament
sperand sèmper suna spala sicura.
Edcò mi l’hai avù ‘l temp për sëmnè
adess un pòch pì longh, për seugnè.