Gianfranco Baron/Ël cess ëd campagna
Ël cess ëd campagna
modifichéCost-sì a l’é un argoment che sëmper rij a fà
na cosa ch’a fan tuti pa dan pé; ma ngragnà.
Ël gabinet tant' ani fà, a l’ha sobì un process
a-i cambìo 'l nòm en water, ma a l'era ël cess.
La, sota a 'n pomè, ant àngol dël giardin
ij soi visin a-i ero, la malva ël rosmarin
una ciovenda d’ass a-i era ‘l sò mantel
col pì fortunà a l’avìa na tòla për capel.
Li, piantà sla pòrta, un gròss ciò rosolent
a servia a pènde 'l giornal, për col event,
un pòch d' equilibrio e tenant la posision
fin tant ch’a a-i era compìa l’evaquasion.
Na cosa che però a fàsia niente 'nrabiè,
con le notissie brute , polidësse ël darè.