Gian dij Cordòla/Mè pare

Artorn

---

Mè pare

Da l’uss ëd ca dël Coindo^[1],
i vëddo mè pare ant ël camp,
sapa ‘n spala e faussèt a la corèja,
anans e andré strach e sudà,
tuti ij di da la matin a la sèira,
sempe l’istessa stòria,
mach ël di ‘d festa posà la sapa,
as buta adòss la vestimenta bon-a,
a pija la stra për ël Lajet^[2],
e a riva a la cesa.
Apress la mëssa seurtend,
a dà n’uciada a San Bërnard^[3],
e a vos bassa a dis,
un di ò l’àutr la stra ‘m portëra là,
për ancomensé n’àutra stagion,
bela ò bruta chi lo sà.

Nòte

1. Coindo borgà ëd Condòve
2. Lajet borgà ëd Condòve
3. San Bërnard la capela dël simiteri ëd Lajet