Elisa Vanoni Castagneri/Fontan-a sens'aqua
Fontan-a sens'aqua modifiché
La fôntaña ciaira, ciaira
ch’a rijìa,
ch’as perdìa
tra l’erbëtta e tra la giaira,
l’à pì nen ’na stissa d’acqua!
L’è finìa,
l’è sparìa,
l’è mancaie la sôrgiss,
mai pì gnun a la desvìa!...
La speranssa ciaira, ciaira
ch’a fiôrìa,
ch’a lusìa
côme perla propri raira,
drinta al cheur e a lô scaôdava,
l’è finìa,
l’è svanìa...
Senssa chila, ’l cheur a manca
mai pì gnente a lô desvìa!...
Da Armanach piemontèis për ël 1932. (Grafìa ’d ’l caval ’d brôns).