Dario Pasero/Egeo

Artorn

---

Egeo

da Masche Tropié Bërgamin-e e Spa; Ivrea (ediz. «La Slòira»); 2006

en tu grandeza, en tu hermosura
huyó lo que era firme, y solamente
lo fugitivo permanece y dura.
Francisco de Quevedo

A scapa lòn ch’a l’era ferm e mach
lòn ch’a scaprà a resta ferm e a dura
gropand soa andura a la finesse dlë spìrit
ant nòsta scalabrun-a ’d giòla càuda
ch’a scapa e a fërma greva l’ora
geométrica ’nt ël sofi ëd cost Urstoff1
parèj ëd si meisin ’nt ël mes ëd j’onde
che com ëd bije ’d tute le nuanse
as ëspataro bianche meusie ’d marm
mojà ant un mar ch’as sisla ’d bleu-dësmentia

2005