Dario Pasero/Cora a Beslìa la prima

Cora a beslìa la prima: Seugn (o mistà) dl'invern che a-i é pa...

Cora a beslìa la prima co’ij sò di
ëd pieuva e sol
Dal lindal ëd mia mèira i bèico se
as peul ësmicé la solarìa anviscà
da ’n solèt ësbiavì dal temp
A l’é cora nojàuti, bërgé dël nent, is mostroma
pèi ëd bërgiabàu an costa ruà scaparìa

Jer ël cel a fiocava saviëssa
An sj’artezin dij tò temp dësmentià

Co’l daj ëd j’arcòrd i coparoma
La masnà d’antan ch’a scapava
Minca di a l’arserca ’d vos silìngrie
Ant j’euj bërlusent ëd na comba
Che as treuva pa nen, belessì...
Se nen cora a beslìa la prima...