Carlo Baretti/Campagna
Campagna modifiché
Tut lò ch’i vèda ‘ntorn për la campagna
L’ha drinta ‘d chèl la lus ch’o lo compagna…
Stissa ‘d rosà dla tera ch’as desvìja,
Sofi dël vent ch’o passa e cho va via,
Gòi dël bestie ch’i seurto a la pastura,
Frisson dël còse vive ant la cotura,
Ultim sorìs dla lun-na ch’as ritira,
Matin dël but ch’o s-ciòda e ch’o respira,
Splendor ‘d mesdì ch’o dòmina e ch’o scauda
Le còse che la tera a tena ‘n fauda,
Vos d’arsigneul an ponta d’una ro,
Virtù dle còse anluminà da o so.