Carlin Porta/Vòli ’d cornajass
Vòli ’d cornajass
modifichéA press dël dësvijarin ëd la matin
dàit dal sòlit oslin ancò dël pin
che sensa perde colp, sento a sinch ore
për deme con deuit l’achit ëd la giornà:
da lì a na bela ora, në strop
ëd cornajass a vòla sù ant ël cel
tant da smijé a na nìvola nèira
ch’a vada a marché brut l’andi dël di.
A fan ëd vos com ch’a-j tirèisso ’l còl,
a smija ch’a veubio dime cheicòs
fan-lo ’d girariond com marchèisso ’l temp?
Su la montagna àuta ël cel l’é gris,
ël Bianch a smija ch’a sia sparì,
con gran fiusa i torno a speté la siala
ch’a ven-a a zagajé mach tut për mi.