Carlin Porta/Un baron ëd canton
Un baron ëd canton
modifichéËd vòte a l’é franch assè ciupì j’euj
che ‘nt un moment a së spataro ij feuj
ch’a l’han cujì minca pass ëd la vita
lassand pianà marcà come na scrita.
Arcòrd mossant a torno dun-a an ment
ch’a fan arvive ‘l cheur con fé content
tant pì che boneur e maleur gropà
a la bonora a peulo vnì arcordà.
Come ‘n seugn mascheugn mia gioventù,
svicia, a torna a tambusseme ‘nt ël cheur
për viseme ‘d tut lòn ch’i l’hai godù.
Tèra Monfrin-a, cun-a ‘d mi masnà,
ch’i l’hai lassate con ponta ‘d maleur...
i stanto ij tò canton ch’i l’hai chità.