Carlin Porta/Come na vira

Artorn

---

Come na vira

Paròle bele dun-a a son surtìe
dai làver faità a parlé dij Brandé
ant la bela vijà dle feste ’d Natal
con ij bondos amis ëd Costagrand.
A son fasse arvive gran poesìe
dij Grand Poeta Piemontèis d’un temp
che belavans giumai a l’han lassane,
ma con soe paròle a brando ancora.
Amparand da lor, dëlcò noi vivoma
coj moment anciarmant ëd poesìa
scrivend, disend, cantand bele paròle.
Che bel passé na sèira an companìa
sensa ciadel e bram, ma n’alegrìa
com un Natal d’un temp gropà ’n famija.