Bianca Dorato/L'arbomb

L'arbomb

Dun-a as ëslontanava la fiòca,
un vel d’un fum dzor la tèra nèira:
su àut, àut a bèivo la lus
d’un cel ’d gòj j’osej ant ël vòli.
An gola a tërmola ’n bësbij
che a sà ancor nen fesse paròla
ma l’ànima a ’rson-a già tuta
dla vos larga dla veja canson,
viva... e a ven për tut l’orisont
l’arbomb dël vent càud che a monta
a montagne, montagne ’d fiòca.

Da «Musicalbrandé» nùmer 66 ëd giugn 1975