Angela Ferraris/Ël pruss bërgamòt
Ël pruss bërgamòt modifiché
Soa mari tute le sèire a-j prontava 'n sla broa dla tàula 'n pruss bërgamòt, e chiel, a la matin, quandi ch'a partìa për la scòla, a lo fasìa sghijé 'n sacòcia për mangelo peui a metà matin. Na sèira, miraco perchè a l'avìa finì ij pruss, la mari a l'avìa lassà 'nsima la tàula 'n pom. Chiel a l'avìa butalo an sacòcia e a l'avìa mangialo, ma mai prima d'antlora 'n pruss bërgamòt a l'era smijaje tant a 'n pom.