Agostino Bosco/Sonèt
Sonèt
modifichéQuè? Saré 'n quat muraje na fìa bela?
E lo ch'a-i pes, tant brava, e tan nossenta?
E ch' mi sensa cancié deba passela?
Ah cospeton veuj ch' tut ël mond am senta!
Là drenta ij pare, an leu 'd madamisera!
Lù drent vojàitr, a bastonà e polenta!
Avrala sporcantà la parentela,
'D cassela là, fin ch'a sìa mòrta e stenta?
E 'nt ël mond chi restralo, s' costa a-i manca?
Giust' apunnt, tas, mondass, indegn d'avèjla!
Chi la mérita al mond, ch'a son tuti s-cianca?
Ch'as daga a Dio! Ti, al mond, fris ant la pèila;
O resta astà su 'n such, o 'n su na banca,
Bicand an sù, fin ch'a sìa pa na stèila.